Alabuka.kg Ала-Бука райондук мамлекеттик администрациясынын расмий сайты

Бүгүн Ала-Бука районунун борборунда жеке ишкер, Өрүктү айылынын тургуну Бекимбетов Кылычбектин соода борборунун ачылыш эземи болуп өттү. Кеңсээлерге ылайыкталган кенен, таза, кардарларга ыңгайлуу болгон бул жерден турмуш- тиричиликке керектүү кандай гана буюмдар болбосун, бардыгын табууга болот. Ушул эле жерден тамактанууга да жакшы шарттар түзүлгөн . Бул иш-чара региондордогу жеке ишкердиктин өнүгүп жаткандыгын дагы бир далили.Соода борбору Т.Сартмамбетов көчөсү менен Советская көчөсүнүн кесилишинде жайгашкан.

«2019-жыл — Региондорду өнүктүрүү жана өлкөнү санариптештирүү жылынын» алкагында  Ала-Бука райондук мамлекеттик администациясы тарабанан Ала-Бука районунун I ишкерлер конференциасы уюштурулуп, регионалдык диалог: «Регионалдык өнүгүүнүн өзөгүн ишкердүүлүк түзөт. Биргелешкен аракет, келечектин кадамы…» урааны астында иш-чара жогорку деңгээлде өткөрүлдү. Иш-чарага райондун аймагындагы ар кыл тармактагы ишкерлер, кооператив мүчөлөрү, мекеме иш-ишканалар өкүлдөрү, банк, финансы тармактары кызматкерлери, курулуш тармагындагы ишкелер , инвестиция жаатындагы мамлекеттик эмес уюмдардан өкүлдөр катышышып, ишкердикти өнөктөштүктө өнүктүрүү боюнча өздөрүн кызыктырган багыттар боюнча толук маалымат ала алышты.

Иш-чара район ишкерлери тарбынан райондун аймагында өндүрүлгөн продукциялардын көргөзмө жарманкеси менен коштолду…

Бүгүн Ак-Там айылдык аймагында ,,Таза коом-таза айылдан башталат» аттуу тазалык акциясы болуп өттү. ,,ЖУРТ КЕЛЕЧЕГИ» коомдук бирикмеси тарабынан берилген тазалык эстафетасын Ак-Там айыл өкмөтү кайсы айыл өкмөткө өткөрүп берүү жагын ойлонуп турган чагы….

Ала-Бука райондук билим берүү бөлүмүнө караштуу N1 Т.Балтагулов атындагы орто мектебинин 4-класстарынын ортосунда «Жол кыймылы эрежелерин билип жүр» аттуу иш чара жогорку деңгээлде өткөрүлдү. Иш-чарага мектеп администрациясы менен кошо райондук ички иштер, билим берүү бөлүмүнүн кызматкерлери катышып, балдардын жол кыймыл аракеттерин канчалык деңгээлде билерин сынашты. Балдар өз билимдерин көрсөтүү менен концерттик тематикалык номерлерди көрсөтүштү. Иш чарага активдүү катышкан окуучуларга, алардын класс жетекчилерине аталган мектептин директору Г. Бейшекеева, башталгыч класстарынын завучу К.Сатиева ыраазычылыгын билдирип, алдыңкы орундарды ээлеген класстарга ыраазычылык баракчаларын тапшырды.

Өрүктү айыл аймагында «Региондорду өнүктүрүү жана санариптештирүү» жылынын алкагында 8-март Аялдардын эл аралык күнүнө карата «Кайнене берген сабактан келиндер өсөт дарактай» аттуу концерттик программа райондук денгээлде болуп өттү.

Ага утурлай Р. Надырбеков атындагы маданият үйүндө айылдар аралык жылына өтүүчү «Ыр кесе» аттуу концерттик программа болуп, майрамдык маанаай шаан-шөөкөт менен уланды.

Ошону менен эле бирге Шакен Жоробекова атындагы маданият үйүндө 8- март Аялдардын эл аралык майрамына карата уюштурулган концерттик программага Өрүктү айыл аймагынан 9 аял катышып Ызабаева Гуля айым ардак граммота менен сыйланды.

Аялдардын эл аралык майрамынын урматына салтанаттуу майрамдык иш-чараны жогорку денгээлде өткөрүлдү. Аймагыбыз Сиздер менен ар убак сыймыктанат!!! Бар бол,аялзаты!!!

Ааламдын ажарлуу айымдары майрамыныздар менен!Ак-Там айылдык аймагында айымдардын майрамына арналган иш-чаралар болуп отту.Жогорку Кенештин депутаты АзизбекТурсунбаевдин, аймактагы 100 айымга арналган белектери жана Айылдык аймактын атынан чыгаан айымдарга майрамдык белектер тапшырылды.

8-март аялдардын эл аралык майрамына арналган иш чара райондук маданият үйүндө болуп өттү. Майрамда райондук мамлекеттик администрациясынын башчысы аким Э. Абдыкадыров, депутаттардын кошмо жыйынынын төрагасы М. Мамырбеков, Ала-Бука айылдык аймагынын башчысы М. Дооранбек уулу куттуктоо айтып, жалпы аялзатын майрамы менен куттуктады. 30670 Аскер бөлүгүнүн жоокерлери аялдарды тосуп алып, гүлдөрдү беришти. Ошондой эле Жогорку кеңештин депутаты А.Турсунбаевдин белектери, райондук мамлекеттик администрациясынын белектери райондун социалдык-экономикалык экономикалык өнүгүүсүнө кошкон зор салымы үчүн Ардак грамота менен белектер берилди. Баткен согушунун катышуучулары Ш.Мадраимов, М.Ашырбековдун энелерине «Эне даңк» медалы, Ала-Бука колледжинин директору, доцен С.Рысбаевага төш белги тапшырылды. Иш чараны райондун жигиттери маданият үйүнүн кызматкерлери тарабынан уюштурулган концерт коштоп турду. Ошону менен бирге райондук үй бүлөлүк дарыгерлер тобунун директорунун орунбасары Ж.Тажибекова, Т.Балтагулов атындагы орто мектебинин башталгыч класстарынын завучу К.Сатиева КРӨ Жалал-Абад областындагы ыйгарым укуктуу өкүлү К.Сатыбалдиевдин Ардак грамоталары тапшырылды.

Ала-Бука райондук мамлекеттик администрациясынын демилгеси менен бардык айылдык аймактарынан, райондук мекеме ишканалардан түзүлгөн аялдар командаларынын арасында 8-Март аялдардын эл аралык майрамына карата’Дени сак эне- дени сак улут» аттуу спорттук мелдеш болуп өттү. Бул мелдеште Ак-Коргон айылдык аймагынын волейболчу кыздары биринчи орунду ээлеп, сыйлыктар жана кубоктун ээси болушту. Ал эми экинчи орунду Ала-Бука айылдык аймагынын кыздары багындырышты, сыйлыктарды райондук мамлекеттик администрациясынын башчысы-акимдин орун басары К.Усенбаева тапшырып, жеңиштери менен куттуктады.