INILIFE.RU

1-Май айылдык паркына павловниялар отургузулууда….

Жаңыга умтулуу, жаңыдан артта калбоо заман талабы… Болгариялык өнөктөштөр менен бирге дагы бир инновациялык долбоор 1-Май айыл аймагында ишке ашканы турат…
Джан ( Болгариялык өнөктөштүн аты) суусу тартыш аймактарда тамчылатып суугаруу системасы жана бак-дарактар боюнча  адистиктин ээси.
1-Май айылдык паркына павловниялар отургузулууда. Айыл аймактын суугат суу тартыштыгын көйгөйлүү маселеси да тамчылатып суугаруу системасы аркылуу сууну экономдоо жаатына өткөрүлүп, чечилгени турат…..

Бүтүрүүчүлөрдөн келе жаткан үлгүлүү жөрөлгөлөр уланууда….

Төрөгелди Балтагулов атындагы орто мектептин мурдагы бүтүрүүчүлөрүнүн арасында түрдүү кайрымдуулук акциялары, билим уясына материалдык жардам берүү иштери уланууда. Ала-Бука айыл өкмөтүнө караштуу АлаБука айылынын Төрөгелди Балтагулов атындагы орто мектебин 10 жыл мурда аяктаган бүтүрүүчүлөрү, имараттын терезелерин жаңылап, жаңы тепкич курдуруп беришип, акыркы коңгуроо аземи менен катар жаңы курулуштун ачылышы да болуп өттү. Иш-чарага райондук мамлекеттик администрация башчысы, аким Эмилбек Ысакулович баштаган бир топ мекеме иш-кана мүчөлөрү жана Ала-Бука айыл аймагынын башчысы катышты.Жалпысынан 1 миллионго жакын каражат сарпталды.  «Акыркы коңгуроо» кагылып, кезектеги окуу жылы жыйынтыкталды. Быйылкы жылы бүтүрүүчү класстарга мектепти бүтүрүү аземине карата акча чогултуп, белек алууга, кымбат автоунааларга түшүп, үлпөт куруп, кафе-ресторандарда сайрандоого Билим беруу жана илим министрлиги тарабынан  тыюу салган. Эскерте кетсек республика боюнча 2262 мектепте 9-классты 95 миң,11-классты 61 миң бүтүрүүчүлөр аяктап жатышат…

Бир кылымдан ашык тарыхы бар Уметалы уулу Мергенбай ажы мечити…

Айлардын падышасы болгон ыйык рамазан айында жасалган сооптуу иштердин акысын акыретте жараткан Аллах өзү эселеп берет эмеспи….Бир кылымдан ашык тарыхы бар Уметалы уулу Мергенбай ажы мечитинин былтыркы жылы ремонтоо иштери башталган.  Мечитке Мергенбай ажынын неберелери Акжол,Ашым, Усупбай,Сапаралы,Мамбеталы жана башкалар негизги жумуштарын жасашкан. Сооптуу ишке эхсан катары  Ала-Бука районунун Өрүктү айыл аймагынын Өрүктү-Сай айылынын Бешимов орто мектебин мындан 10 жыл мурун аяктаган 1991-жылкы  юбилей ээлери ички жана сырткы жасалгалоо иштерине жалпы 256 000 сомдук салым кошушкан. Жакшы саамалыка райондук мамлекетик администрциясынан өкүлдөр, айыл өкмөт башчылары, райондук муфтият өкүлдөрү катышышып, каалоо тилек жана ыраазычылыктарын билдиришти. Иш-чара ифтарлык менен улантылып, жаңыртылган мечитте таравих намазы окулду…

З0 жылдык мектеп бүтүрүүчүлөрүнөн рамазанда сооптуу иштер….

1989-жылы азыркы
номер 17 А.Жуманазпров атындагы Орто мектебинин бүтүрүүчүлөрү башкача айтканда 30 жылдыктар Өрүктү айылдык аймактын айылдарында жашаган турмуш шарты оор, мүмкүнчүлүгү чектелүү, адамдарга, 8 үй-бүлөгө 5000 сомдон акча жана азык-түлүк түрүндө пакет тапшырышты. Баардыгы болуп 8 үй-бүлөгө 45 000 сомдук акчалай жардамдарды беришти. Бул акция турмуштук оор кырдаалда турган үй-бүлөлөрдү жакырчылыктан чыгарууга чоң туртку болду…

Рамазан айында сооптуу иштер аткарылууда …

Бала- бакыт, бала-кубаныч… Рамазан айындагы ары сооптуу, ары пайдалуу иш-аракеттер уланууда. Ала-Бука айылынын С.Ибраимов жана Кулбаев көчөлөрүндөгү эки кабаттуу үйлөрдүн алдына балдар ойноочу аянтчалар курулуп, пайдаланууга берилди. Бала кубанса, аалам кубанат демекчи кичинекей наристелердин кубанычында чек жок!…  Ошондой эле Сары-Талаа айылындагы Улуу Ата Мекендик согуштун катышуучуларына тургузулган эстеликтин  калыбына келтирүү жумуштары да аткарылды. Ошону менен эле катар Сапалак айылындагы Рыскулбеков көчөсүнө трансформатор орнотулду.

Бейиш- Эне таманы астында «…Орозонуздар кабыл болсун!…

Сабыр, мээримдүүлүк, сүйүүнүн үлгүсуюү болгон, үй-бүлө жана коомдук турушубуздун пайдубалы болгон энелерибиздин майрамы Ыйык Рамазан айына туш келди.»Бейиш- Эне таманы астында » демекчи, энелерибиз чооң таазим жана сый-урмат көрсөтүлүп, ифтарлык ( ооз ачуу ) уюштурулду. Орозонуздар кабыл болсун!…

Нуркул Орозалиев көчөсүн асфальттоо иштери башталды…

2019-жыл  региондорду өнүктүрүү жана санариптештирүү жылынын алкагындагы аткарылылып жаткан иштерден дагы бир жакшы саамалык. Ала-Бука айыл аймагына караштуу Сары-Талаа айылындагы Нуркул Орозалиев атындагы  көчөсүн  асфальттоо иштери башталды. Азыркы учурда асфальттоо иштери кызуу жүрүп жатат.

Эч ким, эч нерсе унутулбайт!… 9-май Улуу Жеңиш күнү!…

Жеңиш майрамы Ала-Бука районунда чоң салтанат менен белгиленди. Иш-чара Жеңиш эс алуу паркындагы «белгисиз жоокер» эстелигине гүл кою менен башталып, согушта курман болгон жоокерлерге багышталып куран окутулуп, алардын жаркын элестерин эскерүү митинги өткөрүлдү. Майрамдык иш-чара райондун борбордук аянтын көздөй улантылып,»өлбөс полк» жүрүшү өттү. Маданий массалык иш-чаралар, куралдуу күчтөрдөн түзүлгөн аскердик жана оор техникалык парад майрамдык маанайды көркүнө чыгарды.

Райондун акими Э.Абдыкадыров жана Жогорку Кеңештин депутаты А.Турсунбаев жана башкалар райондун калкын дегеле бүтүндөй Кыргызстандыктарды Улуу Жеңиштин 74 жылдык маарекеси менен куттукташты. 9-Май Жеңиштин Улуу майрамына урматына Ала-Бука айыл аймагындагы согуш маалындагы  ооруктун  катышуучуларына,эмгектин ардагерлерине жана майыптарына, согуш ардагерлеринин жесир аялдарына Жогорку Кеңештин депутаты Турсунбаев Азизбек Атакозуевичтин катышуусунда белектер тапшырылды.

Райондогу мекеме иш-каналардын жетекчилиги, айыл өкмөт башчылары, райондук мамлекеттик администрациясы менен биргеликте согуштун 2 ардагерине токулуу жылкы миндиришти.

Улуу жеңиш күнү 1-Май айылында….

1-Май айыл аймагынын эли Улуу Жеңишти 74 жылдык майрамын согуштун ардагери, кадырлуу аксакал  Насирдин ата менен бирге майрамдады.
Салтанатка Жогорку Кенештин депутаты А.Турсунбаев,Ала-Бука районунун акими Э.Абдыкадыров баштаган жетекчилер катышышты. Ардагерге  тойлорго, жакшылыктарга минип жүрсүн деп, жорго тулпар белеке берилди. Ооруктун,эмгектин ардагерлерине баалуу, акчалай сыйлыктар тапшырды.

Курманбаев Абдиназар агабыздын жаркын элесине арналган турнир….

Ак-Там айыл аймагына караштуу Жапа-Салды айылында СССРдин волейбол спорт түрү боюнча курама командасынын оюнчусу жана волейбол боюнча спорт чебери маркум Курманбаев Абдиназар агабыздин жаркын элесине арналган спорттук турнир болуп өттү. Ачылыш аземинде Ала-Бука райондук мамлекеттик администрациясынын башчысы, аким Эмилбек Ысакулович баштаган бир катар жетекчилер, маркумдун туугандары сөзгө чыгышып, спортчуларга ийгилик каалашты. Иш-чарага район аймагынан келген волейбол командалары катышышып, жыйынтыгында:1-орунду Сары-Талаа, 2-орунду Кош-Алмурут, 3-орунду Келте жана 4-орунду Баймак командалары ээлешти. Жеңүүчүлөргө турнир кубогу жана акчалай сыйлыктар ташырылды.

Scroll To Top