2018-жылдын 13-ноябрында райондук мамлекеттик администрациясынын башчысы-аким Абдыкадыров Эмилбек Ысакович Өрүктү айыл айманынын аппарат кызматкерлери менен жолугушуу өткөрдү. Жолугушууда төмөнкү маселелер каралды:
1. Аппарат кызматкерлери менен таанышуу.
2. Айыл аймагында 2018-жылга түзүлгөн иш пландардын аткарылышын талкуулоо.
3. 2019-жылдын иш план түзүү жана иш пландын аткарылышы тиешелүү адистерге жүктөлдү.
Өрүктү айыл аймагынын Орто-Токой, Чолок-Тума айылдарында жаңы курулуп жаткан 75 орундуу «Ширин» мектепке чейинки билим берүү уюмунун капиталдык курулушунун капсула коюу аземи болуп өттү. Балдар бакчасы Ала-Бука райондук өнүктүрүү фондунан каржыланып, 20 865 000 миң сомдук тендерди Мавлянкулов Жаркынбек жетектеген ОсОО «ТЧК» компаниясы утуп алды.
Таза суу менен айыл элин камсыз кылуу айыл өкмөтүнүн негизги милдеттеринин бири.
Ак-Там айылында 1300 метрге таза суу линиясы тартылып, жаны резервуар куруу иштери жана негизги борбордук сыйымдуулугу 800 метр/куб болгон башкы курулманын реабилитациялоо иштери жүрүүдө. Долбоордун жалпы сметалык баасы 4 253 000 сом. Долбоор райондук өнүктүүрүү фонду тарабынан каржыланууда.
» Аялдар үй-бүлөлүк зомбулукка каршы» семинары Ала-Бука айыл өкмөтүнүн жыйындар залында өттү. Семинарга райондук мамлекеттик администрациясынан, жаштар комитетинин өкүлдөрү, айыл башчылар, маала комитеттери, аялдар кеңештеринин өкүлдөрү, райондук ички иштер бөлүмүнүн кызматкерлери катышты. Семинарда Елена Иванова кеңири маалымат менен тааныштырды.
Райондук мамлекеттик администрациясынын жыйындар залында 2018-жылдын 9 айында райондун социалдык-экономикалык тармагындагы аткарылган иштер,алдыга коюлган милдеттер маселесиндеги коллегиясы болуп өттү. Мында райондун жетишкен жактары менен бирге эле кемчиликтер айтылып, тиешелүү жактарга милдеттендирди. Аны менен бирге эле жаш өспүрүмдөр арасындагы кылмыштуулуктун алдын алуу максатында конкреттүү тапшырмалар берилди.
«Адам сатууга каршы 100 күн!» акциясынын алкагында райондо жөө жүрүш марафон-эстафетасы өткөрүлдү. Иш чарага мектеп окуучулары, жаштар, жергиликтүү калк катышып, эстафетаны бир айылдан бир айылга өткөрүп жатышты.иш чаранын катышуучуларынын өмүрүн коопсуздугун сактоо максатында райондук ички иштер бөлүмүнүн кызматкерлери жана үй бүлөлүк медицина борборунун тез жардам кызматы коштоп жүрдү.
Ошондой эле «Адам сатууга каршы 100 күн!» акциясынын негизинде спорттук оюндар да өткөрүлдү.
Аймактарды өнүктүрүү жылы! АРИС уюму жана Ак-Там айылдык аймагынын биргелешкен долбоорунун алкагында дагы бир МТЗ-82 макраксындагы трактор айыл чарба шаймандары менен кошо алынды. Жалпы суммасы 2 361 000 сомду тузот. Долбоордун 25 пайызы жергиликтуу бюджеттин эсебинен 75 пайызы АРИС уюму тарабынан каржыланды.
«Адам сатууга каршы күрөшүү 100 күн» аталышындагы Ала-Бука райондук мамлекеттик администрациясынын жана Кыргыз Республикасынын Өкмөтүнүн «2017-2020-жылдарга адам сатууга каршы күрөшүү» программасын ишке ашыруу максатында Ала-Бука ҮМБнын ден соолукту чыңдоо бөлүмүнүн адистери Ала-Бука айыл өкмөтүнүн жыйындар залында»Эне мээрими» акциясы өткөрүлдү. Акцияны ДЧК адистери менен биргеликте рай. администрациясынын башкы адиси Г.Курманбаева, жаштар иштери, дене тарбия жана спорт башкармалыгынын райондогу адиси С.Айтиева жана Ала-Бука Айыл өкмөтүнөн К.Мырзалиева сөзгө чыгышты. Акцияга 26 кош бойлуу жана 2 жашка чейинки балдардын энелери катышышты жана энелерге өлкөдө энелер менен балдардын ортосундагы мамиле, ымыркайларды жакындарына таштап ички жана тышкы миграцияга азгырылып кетүүсүнүн себебинен ортодогу мээримдин жоголуп бараткандыгынын себебинен ортодогу мээримдин жоголуп баратканды боюнча маалыматтар берилди. Үй-бүлөдө баланы пландоо менен түзүп, мээрим менен балдарды өстүрүү сунушталып кеңештер берилди.
2018-жылдын 11-октябрында Жалал Абад областынын Кара-Көл шаарында «Чакадагы сууну жеткирели» ураанынын астында ДМЧАлар арасында областтык IX спартакиада болуп өттү. Ага областын аймагынан келген спортко ышкыбоз жана чыныгы чемпиондор катышышып, ДМЧАлар күч сынашты. Быйылкы спартакиадага да Ала-Бука районунан барган 12 оюнчудан турган курама команда да катышып, 1-орунду камсыз кылышты. «Спорт — ден соолуктун булагы» демекчи, ДМЧА спортчулар дайыма сергек жашоого умтулушуп райондун намысын коргоп, байгелуу орундарга ээ болушуп, диплом сыйлыктар менен сыйланып келишти.
Бүгүн 11.10.2018-ж. райондун экономика тармактарын жана калкын 2018-2019-жылдагы күз-кыш мезгилине даярдоонун абалы жана милдеттери жөнүндө райондук мамлекеттик администрациясынын кезектеги коллегиясы болуп өттү. Коллегияда кышка карата даярдык боюнча айыл өкмөттөрдүн, электр тармактары ишканасынын, ДЭУ-17 жол ишканасынын маалыматтары угулуп, тапшырмалар берилди. Ал эми кышка карата мектеп, бала бакчалардын, ФАП-ҮДТ, ооруканалардын даярдыгы боюнча кеңири токтолуп, герметизация, көмүр отун менен камсыз кылуу, электр кубаттуулуктарын текшерүү, электр чубалгыларына тоскоол болгон бак дарактарды кыюу боюнча тапшырмалар берилди.
Alabuka.kg Ала-Бука райондук мамлекеттик администрациясынын расмий сайты