INILIFE.RU

Эл аралык бизнес форуму….

Ала-Бука районунда «Аймактарды ар тараптуу өнүктүрүүдө ички потенциалдын дараметин арттыруу жана шериктештикте өнүгүүгө карай» аттуу эл аралык бизнес-форум болуп өттү.

Эл аралык бизнес форумга Ала-Бука райондук мамлекеттик администрациясынын башчысы-аким Чаргынбаев Кайырбек Кабылбекович баштаган жергиликтүү бийлик өкүлдөрү, Өзбекстан Республикасынын Наманган облусуна караштуу Касансай жана Чуст райондорунан келген коноктор, инвестиция, туризм, бизнес жаатында ишмердүүлүк жүргүзгөн эки өлкөнүн ишкерлери катышты.

Иш-чара Ала-Бука районунун кол өнөрчүлөрү, айыл чарба продукцияларын өндүрүүчүлөр жана жергиликтүү ишкерлер тарабынан даярдалган көргөзмө-жарманке менен таанышуудан башталды.

Бизнес форумду райондун акими Кайырбек Чаргынбаев ачып, ишкер чөйрөгө жагымдуу шарттарды түзүү, айрыкча чакан жана орто бизнеске инвестицияларды тартуунун актуалдуулугуна токтолуп өттү. Өз сөзүндө коңшу мамлекеттер менен жогорку алакада болуу маселелери өзгөчө орунда турарын белгилеп, бизнес-форумга ийгиликтерди жана бардык катышуучуларга жаңы мүмкүнчүлүктөрдү каалады.

Касансай районунун акиминин орун басары Салимжонов Бахтиёр Рахимжонович жана Чуст районунун акиминин жардамчысы Юсупов Шухратжон Адхамович сөзгө чыгышып, Ала-Бука элинин меймандостугуна ыраазычылыктарын билдирип өтүштү.

Эл аралык бизнес форумдун жүрүшүндө аймактарды ар тараптуу өнүктүрүү боюнча багыттар аныкталып, өз ара кызматташуу боюнча бир катар меморандумдарга кол коюлду.

Эки өлкөнүн кошуна жайгашкан райондорунун ортосунда кызматташуу тууралуу келишимдерге кол коюлуп, бизнес форум жогорку нотада жыйынтыкталды.

1-май айыл өкмөтүндө тажрыйба алмашуу боюнча семинар өткөрүлдү….

Аткаруучулук тартипти күчөтүү, иш кагаздарын жүргүзүүдө Кыргыз Республикасынын Өкмөтүнүн 2020-жылдын 3-мартындагы 120 Токтому менен бекитилген Типтүү нускаманын негизинде иш алып баруу, Кыргыз Республикасынын Президентинин Жарлыктарын жана тескемелерин, Министрлер Кабинетинин токтомдорун сапаттуу аткаруу, «Infodocs» электрондук документ жүгүртүү системасы, «Мамлекеттик сыйлык» автоматташтырылган системасы, «Жеке маалыматтарды коргоо» системасы менен практика жүзүндө тажрыйба алмашуу боюнча семинар өткөрүлдү.

Семинарга Ала-Бука районундук мамлекеттик администрациясынын аппарат жетекчиси Мыйзанбек уулу Талантбек, жалпы бөлүм башчысы Айжамал Орозбаева, уюштуруу иштери жана жергиликтүү өз алдынча башкаруу боюнча жетектөөчү адиси Эркин уулу Баяман, социалдык маселелер боюнча адиси Нураида Шарипова, райондун аймагындагы айыл өкмөттөрүнүн жооптуу катчылары катышты.

Семинардын жүрүшүндө аткаруу тартибин күчөтүү боюнча маселелер каралып, кемчиликтерди жоюунун жолдору талкууланды. Кыргыз Республикасынын Президентинин Жарлыктарын, тескемелерди, токтомдорду аткаруу боюнча тийиштүү кызматкерлерге бир катар тапшырмалар берилди.

Автоматташтырылган маалымат системаларынын иштөөсү боюнча райондук мамлекеттик администрациясынын адистери тарабынан практика жүзүндө маалымат берилди.

Эки элдин достугу- өнүгүүгө өбөлгө….

Ала-Бука райондук мамлекеттик администрциясынын башчысы- аким Кайырбек Чаргынбаев башында турган делегация Өзбекстан Республикасынын Наманган облусуна караштуу Косонсой районунун хакими Кадиров Дилмурод Гафуровичтин чакыруусу менен коңшу өлкөдө болушту.

Иш сапарынын алканында Наманган шаарында өтүп жаткан 62- Эл аралык гүлдөр фестивалына катышып, жергиликтүү багбандардын жана кол өнөрчүлөрдүн эмгегине күбө болушту. Наманган облусунун хакиминин туризм, маданият маселелери, маданий мурастар жана массалык коммуникациялар боюнча орун басары Нуритдинов Ботир Кадирханович делегация мүчөлөрүнө туризм тармагын өнүктүрүү максатында Наманган облусунда жасалып жаткан алгылыктуу жумуштар тууралуу маалымат берди.
Андан соң делегация мүчөлөрү облустун өндүрүш тармагы менен таанышуу максатында, Косонсой районундагы «BarkasTeks» ишканасында болушту. Текстиль тармагын өнүктүрүү, калкты жумуш орундары менен камсыз кылуу маселелери жеринде талкууланды.
Жолугушуунун расмий бөлүгү Косонсой районунун хокимиятында уланып, өз ара кызматташтыкты өнүктүрүү, ынтымакты чыңдоо, туризмди, өндүрүш тармагын жана ишкердикти колдоо, инвестиция тартуу маселелери талкууланды.
Жолугушуунун соңунда  Ала-Бука райондук мамлекеттик администрациясынын башчысы-аким Чаргынбаев Кайырбек Кабылбекович жана Косон-Сой районунун хакими Кадиров Дилмурод Гафурович өз ара кызматташуу боюнча меморандумга кол коюшту.

Кыргыз Республикасынын Президентинин Жалал-Абад облусундагы ыйгарым укуктуу өкүлүнүн Ала-Букалыктар менен жолугушуусу…

Кыргыз Республикасынын Президентинин Жалал-Абад облусундагы ыйгарым укуктуу өкүлү Абсаттар Сыргабаевдин Ала-Бука районунун жашоочулары менен жолугушуусу.

Облус башчысы жергиликтүү тургундар тарабынан көтөрүлгөн социалдык объектилердин менчиктелиши, жеке менчик мүлккө болгон укуктардын сакталышы тууралуу айтылган көйгөйлөрдү жеринен барып көрдү.

«Канткенде тарбиялуу, билимдүү балдарды коомго чыгарабыз» тематикасында тренинг…

Ала-Бука райондук Ш. Жоробекова атындагы маданият үйүндө, «Канткенде тарбиялуу, билимдүү балдарды коомго чыгарабыз» деген темада тренинг болуп өттү. Бул иш-чарага ата-энелер, мугалимдер, тарбиячылар катышып, он жыл телерадиодо алып баруучу, уюштуруучу, продюсер, администратор болуп иштеп, Кыргыз Туусу гезитинин жылдын мыкты тренери төш белгисинин ээси болуп, учурда «URMAT_SCHOOL Эне жана баланы өнүктүрүү» окуу борборун жетектеген Урмат Турдумат уулунун таасирдүү сабактарын алышты.
Тренингдин алкагында:
🔎 *Балам билим алууга кызыкпайт* Эмне кылам?
🔎 *Балам окуйт бирок оюн ачык, так, даана түшүндүрө албайт* Эмне үчүн?
🔎 *Балам менин сөзүмдү укпайт* Кантем?
🔎 *Канткенде балам лидерлик сапатка ээ болуп чоңоёт*
🔎 *Канткенде баламдын туура кесип тандоосуна жардам бере алам*
🔎 *Канткенде билим сапатын жогорулата алабыз*
🔎 *Бекем үй-бүлө мыкты тарбиянын эшиги* деген темаларда кенен сабак өтүлдү. Ата-энелер суроо берип тренингге активдүү катышып, ыраазычылыктарын билдиришти. Бул Эне жана баланы өнүктүрүү багытындагы иш-чара Ала-Бука ата-энелер мектебинин уюштуруучусу Гүлнура Элтузерова тарабынан сунушталып, райондук мамлекеттик администрациясы жана райондук билим берүү бөлүмү менен биргеликте өткөрүлдү.

Сапат сыйлыктарын ыйгаруу боюнча сынак…

Ала-Бука райондук мамлекеттик администрациясы сиздерге, Кыргыз Республикасынын Сапат сыйлыктарын ыйгаруу боюнча кеңешинин чечими менен 2023-2024-жылдарда Кыргыз Республикасынын Сапат боюнча сыйлыгын алуу үчүн төмөнкү тармактарга сынак жарыяланганын билдирет:
1.Өнөр жай продукциясын жана калк керектөөчү товарларды өндүрүү;
2. Тамак-аш азыктарын жана айыл чарба продукциясын өндүрүү;
3. Кызмат көрсөтүү….

Жарыяланган датасы: 12.04.2023.

 

 

Тиркеме:

Райондук тиешелүү мекеме-уюмдардын жетекчилеринин жана айыл өкмөттөрүнүн башчыларынын катышуусунда отурум…

Ала-Бука райондук мамлекеттик администрациясынын жыйындар залында аким К.Чаргынбаев, райондук тиешелүү мекеме-уюмдардын жетекчилеринин жана айыл өкмөттөрүнүн башчыларынын катышуусунда отурум өткөрдү.
Каралуучу маселелер:
— КР Президентинин 24.02.2022-ж. «Үй- бүлөлүк салтанаттарда ысырапкерчиликке жол бербөө» N54 Жарлыгынын аткарылышы;
— аймактарда ачылган социалдык текчелер жана социалдык дүкөндөрдү уюштуруу;
— арзандатылган азык-түлүк жарманкесинин өткөрүү;
— оруп-жыйноонун абалы, түшүмдүүлүк;
— жалпы билим берүү уюмдарынын жаңы 2022-2023-жж.окуу жылына даярдыгы, ремонт иштеринин абалы;
— мыйзамсыз курулуштар жана трансформациялоо, КР Министрлер Кабинетинин 31.05.2022-ж. «Жер мунапысын жүргүзүү тартиби жөнүндө жобону бекитүү тууралуу» N 291 токтомун талкуулоо;
— Санарип Аймак;
— турак-жайларды табигый кырсыктардан жана өрттөн камсыздандыруу;
— жайыт жана башка маселелер боюнча талкуулар жана маалыматтар угулуп, тиешелүү тапшырмалар милдеттендирилди.
Ошону менен бирге Кыргыз Республикасынын Эгемендүүлүк күнүнө карата «Таза айыл» бир айлыгы жарыяланып, ар бир аймакта, ишмердүүлүгүнүн түрүнө карабастан, ишембилик өткөрүү тапшырмасы жана көрнөк-жарнактарды тематикага ылайык жаңылоо боюнча тапшырылды.
Ошондой эле аким К.Чаргынбаев тарабынан сунушталган «Коопсуз айыл», «Коопсуз мектеп» пилоттук долбоорунун жүрүшү, пайдаланууга берүү мөөнөтү боюнча райондук билим берүү бөлүмүнүн башчысы А.Баймуратовдон жана Ала-Бука айыл өкмөтүнөн суралды…

Жарыя!…. Т. Балтагулов айыл аймагындагы жер участогун узак жылдык мөөнөткө ижарага берүү жөнүндө…

Жер участогун узак жылдык мөөнөткө ижарага берүү жөнүндө жарыя…

Ачык бюджет, өнүгүүгө карай жол…

Ала-Бука районунун 1-Май айыл аймагында 2022-жылга карата жергиликтүү бюджетинин кирешеси жана чыгашасы боюнча «Ачык бюджет өнүгүүгө карай жол» аталышында Коомдук угуу жогорку деңгээлде өткөрүлдү. Коомдук угууга Айылдык кеңештин депутаттары, мекеме — уюмдардын жетекчилери, жергиликтүү активисттер, ардагерлер, жалпы эл катышты. Коомдук угууда жергиликтүү маанидеги маселелерди чечүү, бюджеттин киреше бөлүгүнүн көбөйтүү, ыксыз чыгымдарды кыскартуу, бюджеттин киреше жана чыгаша бөлүгүнүн ачык — айкындуулугу жаатында мындан ары да да иштерди активдештирүү милдетттери айыл Өкмөтүнүн жетекчилигине жүктөлдү.
1-Май айыл аймагынын жергиликтүү бюджетинин көлөмү 30 млн. сомдон ашык каражатты түзүп, 2022-жылы республикадагы дотациядан чыккан айыл аймактарынын катарын толуктаган.

Scroll To Top