Alabuka.kg Ала-Бука райондук мамлекеттик администрациясынын расмий сайты

Ала-Бука райондук мамлекеттик администрациясынын демилгеси менен бардык айылдык аймактарынан, райондук мекеме ишканалардан түзүлгөн аялдар командаларынын арасында 8-Март аялдардын эл аралык майрамына карата’Дени сак эне- дени сак улут» аттуу спорттук мелдеш болуп өттү. Бул мелдеште Ак-Коргон айылдык аймагынын волейболчу кыздары биринчи орунду ээлеп, сыйлыктар жана кубоктун ээси болушту. Ал эми экинчи орунду Ала-Бука айылдык аймагынын кыздары багындырышты, сыйлыктарды райондук мамлекеттик администрациясынын башчысы-акимдин орун басары К.Усенбаева тапшырып, жеңиштери менен куттуктады.

Ала-Бука районунда акимдин балаты майрамы жогорку деңгээлде өттү. Аз камсыз болгон, турмуш шарты оор үй бүлөлөрдөн 60 бала катышып, белектер менен кайтышты. Балдар үчүн билим берүү бөлүмүнүн чыгармачылык үйүнүн тарбиялануучулары майрамдык маанай тартуулашты. Мындан сырткары Шекафтар шаарчасындагы мектеп интернатта тарбияланып жаткан Ала-Букадан барган 41 турмуш шарты оор балдар да рай администрациясынын башчысы аким Э.Абдыкадыровдун белектерине ээ болушту.

Толугун окуу »

3-декабрь Бүткүл дүйнөлүк ДМЧАдын күнүнө арналган»Биз биргебиз!» иш-чарасы болуп өттү.  Райондун аймагындагы бардык айылдык аймактардан келген 100 жаранга райондук мамлекеттик администрациясынын башчысы-аким Э.Абдыкадыров, орун басары К.Усенбаева, Жергиликтүү кеңештин депутаттарынын төрагасы М.Мамырбековдор белектерди тапшырып, «Бакыт Ордо» тойканасында сый тамак тартууланды.

Бүгүн Ала-Бука районунун борборунда «Бүткүл дүйнөлүк СПИД ке каршы күнүнө» карата акция болуп өттү. Акцияга аймактык ооруканасынын, үй бүлөлүк медицина борборунун жана Ала-Бука колледжинин студенттеринин, Т.Балтагулов атындагы орто мектебинин окуучулары активдүүлүгүн көрсөтүштү. Жалпы райондун тургундарына жана конокторуна маалыматтар берилип, маалым кагаздар таркатылды

» Аялдар үй-бүлөлүк зомбулукка каршы» семинары Ала-Бука айыл өкмөтүнүн жыйындар залында өттү. Семинарга райондук мамлекеттик администрациясынан, жаштар комитетинин өкүлдөрү, айыл башчылар, маала комитеттери, аялдар кеңештеринин өкүлдөрү, райондук ички иштер бөлүмүнүн кызматкерлери катышты. Семинарда Елена Иванова кеңири маалымат менен тааныштырды.

Райондук мамлекеттик администрациясынын жыйындар залында 2018-жылдын 9 айында райондун социалдык-экономикалык  тармагындагы аткарылган иштер,алдыга коюлган милдеттер маселесиндеги коллегиясы болуп өттү. Мында райондун жетишкен жактары менен бирге эле кемчиликтер айтылып, тиешелүү жактарга милдеттендирди. Аны менен бирге эле жаш өспүрүмдөр арасындагы кылмыштуулуктун алдын алуу максатында конкреттүү тапшырмалар берилди.

«Адам сатууга каршы 100 күн!» акциясынын алкагында райондо жөө жүрүш марафон-эстафетасы өткөрүлдү. Иш чарага мектеп окуучулары, жаштар, жергиликтүү калк катышып, эстафетаны бир айылдан бир айылга өткөрүп жатышты.иш чаранын катышуучуларынын өмүрүн коопсуздугун сактоо максатында райондук ички иштер бөлүмүнүн кызматкерлери жана үй бүлөлүк медицина борборунун тез жардам кызматы коштоп жүрдү.

Ошондой эле «Адам сатууга каршы 100 күн!» акциясынын негизинде спорттук оюндар да өткөрүлдү.

«Адам сатууга каршы күрөшүү 100 күн» аталышындагы Ала-Бука райондук мамлекеттик администрациясынын жана Кыргыз Республикасынын Өкмөтүнүн «2017-2020-жылдарга адам сатууга каршы күрөшүү» программасын ишке ашыруу максатында Ала-Бука ҮМБнын ден соолукту чыңдоо бөлүмүнүн адистери Ала-Бука айыл өкмөтүнүн жыйындар залында»Эне мээрими» акциясы өткөрүлдү. Акцияны ДЧК адистери менен биргеликте рай. администрациясынын башкы адиси Г.Курманбаева, жаштар иштери, дене тарбия жана спорт башкармалыгынын райондогу адиси С.Айтиева жана Ала-Бука Айыл өкмөтүнөн К.Мырзалиева сөзгө чыгышты. Акцияга 26 кош бойлуу жана 2 жашка чейинки балдардын энелери катышышты жана энелерге өлкөдө энелер менен балдардын ортосундагы мамиле, ымыркайларды жакындарына таштап ички жана тышкы миграцияга азгырылып кетүүсүнүн себебинен ортодогу мээримдин жоголуп бараткандыгынын себебинен ортодогу мээримдин жоголуп баратканды боюнча маалыматтар берилди. Үй-бүлөдө баланы пландоо менен түзүп, мээрим менен балдарды өстүрүү сунушталып кеңештер берилди.

2018-жылдын 11-октябрында Жалал Абад областынын Кара-Көл шаарында «Чакадагы сууну жеткирели» ураанынын астында ДМЧАлар арасында  областтык IX спартакиада болуп өттү. Ага областын аймагынан келген спортко ышкыбоз жана чыныгы чемпиондор катышышып, ДМЧАлар күч сынашты. Быйылкы спартакиадага да Ала-Бука районунан барган 12 оюнчудан турган курама команда да катышып, 1-орунду камсыз кылышты. «Спорт — ден соолуктун булагы» демекчи, ДМЧА спортчулар дайыма сергек жашоого умтулушуп райондун намысын коргоп, байгелуу орундарга ээ болушуп, диплом сыйлыктар менен сыйланып келишти.

Бүгүн 11.10.2018-ж. райондун экономика тармактарын жана калкын 2018-2019-жылдагы күз-кыш мезгилине даярдоонун абалы жана милдеттери жөнүндө райондук мамлекеттик администрациясынын кезектеги коллегиясы болуп өттү. Коллегияда кышка карата даярдык боюнча айыл өкмөттөрдүн, электр тармактары ишканасынын, ДЭУ-17 жол ишканасынын маалыматтары угулуп, тапшырмалар берилди. Ал эми кышка карата мектеп, бала бакчалардын, ФАП-ҮДТ, ооруканалардын даярдыгы боюнча кеңири токтолуп, герметизация, көмүр отун менен камсыз кылуу, электр кубаттуулуктарын текшерүү, электр чубалгыларына тоскоол болгон бак дарактарды кыюу боюнча тапшырмалар берилди.