КАБАРЛАР
INILIFE.RU

1-МАЙ

Ачык бюджет, өнүгүүгө карай жол…

Ала-Бука районунун 1-Май айыл аймагында 2022-жылга карата жергиликтүү бюджетинин кирешеси жана чыгашасы боюнча «Ачык бюджет өнүгүүгө карай жол» аталышында Коомдук угуу жогорку деңгээлде өткөрүлдү. Коомдук угууга Айылдык кеңештин депутаттары, мекеме — уюмдардын жетекчилери, жергиликтүү активисттер, ардагерлер, жалпы эл катышты. Коомдук угууда жергиликтүү маанидеги маселелерди чечүү, бюджеттин киреше бөлүгүнүн көбөйтүү, ыксыз чыгымдарды кыскартуу, бюджеттин киреше жана чыгаша бөлүгүнүн ачык — айкындуулугу жаатында мындан ары да да иштерди активдештирүү милдетттери айыл Өкмөтүнүн жетекчилигине жүктөлдү.
1-Май айыл аймагынын жергиликтүү бюджетинин көлөмү 30 млн. сомдон ашык каражатты түзүп, 2022-жылы республикадагы дотациядан чыккан айыл аймактарынын катарын толуктаган.

КУЛАКТАНДЫРУУ!…

Урматтуу Ала-Бука районунун 1-Май айыл аймагынын тургундары!!!
2022-жылдын 11-февраль күнү «Ачык бюджет- өнүгүүгө карай жол» аталышында, 1-Май айыл аймагынын 2022-жылга карата жергиликтүү бюджетинин кирешеси жана чыгашасы боюнча Коомдук угуу өткөрүлөт.
Келип, өз сунушуңуздарды айтып, ой-пикир кошуп кетиңиздер!!!
Коомдук угуу айыл Өкмөтүнүн жыйындар залында саат 10-00 башталат.
Келиңиздер, аймагыбызды бирге өнүктүрөлү!!!
Уюштуруу тобу.

Район башчысы мамлекеттик жана муниципалдык кызматкерлерди кесиптик күнү менен куттуктайт!..

Урматтуу мамлекеттик жана муниципалдык кызматкерлер сиздер зор жоопкерчиликти аркалап, өлкөбүздүн башкаруу системасын жаңы шартта калыптандырып, элге кызмат өтөп келесиздер. Мамлекетибиздин мындан аркы өнүгүүсү, калкыбыздын турмуш деңгээлинин жогорулашы сиздердин ишмердигиңер менен тыгыз байланыштуу. Жооптуу кызматты ийгиликтүү аркалоо менен өлкөбүздө мамлекеттик башкаруунун жаңы системасын өркүндөтүүдө эмгегиңиздер чоң.

Сиздерге бекем ден-соолук, бакубат турмуш каалоо менен бирге, Кыргызстандын гүлдөп өсүшүнө ак иштеп, мамлекеттик кызматтын кадыр баркын мындан ары да бийик көтөрөт деген тилектемин!!!

Сиздерди терең урматтоо менен
Ала-Бука райондук мамлекеттик администрациясынын башчысы-аким Сатаров Нурбек Бейшеналиевич!!!

Ала-Бука райондук мамлекеттик администрациясынын башчысы-аким Нурбек Бейшеналиевич Сатаров кайрадан шайланган Ак-Там айыл өкмөтүнүн башчысы Мирлан Камчыбеков, Өрүктү айыл өкмөтүнүн башчысы Рустам Кийикбаев, Ак-Коргон айыл өкмөтүнүн башчысы Голибжон Фарманкулов, 1-Май айыл өкмөтүнүн башчысы Мухтар Шербаев жана Ала-Бука айыл өкмөтүнүн башчысы Самат Койчумбаевдерди Ала-Бука райондук мамлекеттик администрациясынын атынан атайын сааттар (именные часы) менен сыйлап, кайрадан өкмөт башчы болушу менен куттуктап кетти. Урматтуу М.Камчыбеков, М.Шербаев, Г.Фарманкулов, Р.Кийикбаев жана С. Койчумбаев сиздерге кайрадан ишеним көрсөтүлүп, айыл өкмөтүнүн башчысы болуп дайындалышыңыздар менен куттуктайбыз. Эмгегиңиздерди аябай, райондун социалдык-экономикалык өнүгүүсүнө кызмат кылууга бел байлаган кесибиңиздерге ийгилик каалап, бүгүнкү муниципалдык кызматкерлердин майрамы менен куттуктайбыз.

1-Май айылдык аймагынын үй-бүлөлүк дарыгерлер борборуна тез жардам унаасы тапшырылды…

Ала-Бука районунун 1-Май айылдык аймагында КР ЖКнин депутаты А.Турсунбаевдин катышуусунда 1-Май айылдык аймагынын үй-бүлөлүк дарыгерлер борборуна ФОМС тарабынан берилген УАЗ — Э962 маркасындагы жаңы тез жардам унаасын тапшыруу аземи болуп өттү. Тез жардам унаасын тапшыруу аземине Ала-Бука райондук мамлекеттик администрациясынын башчысы аким Э.Абдыкадыров жетектеген мекеме ишканалардын жетекчилери, райондук үй-бүлөлүк дарыгерлер борборуна кызматкерлери жана 1-Май айылдык аймагынын жергиликтүү тургундар катышып, ыраазычылыгын билдиришти.

108 миң сомдон ашуун каражат төлөнүп берилди…

1-Май айыл аймагынын тургуну Усен Макамбаевдин  турак-жайы өрттүн кесепетинен жабыркаган. Мамлекеттик камсыздандыруу бөлүмү тарабынан 108 миң сомдон ашуун каражат турак-жайын калыбына келтирүү үчүн төлөнүп берилди. Белгилей кетсек өткөн жылы да 1-Май айыл аймагына караштуу Ак-Башат айылында айрым шамалдан жабыркагандарга ушундай акча каражаттары бөлүнүп берилген. 1-Май айыл өкмөтүнүн эмгек жамаатынын дегеле жалпы 1-Май айыл аймагынын элинин атынын  айыл аймагын башчысы Мухтар  Шербаев Кыргыз Республикасынын Мамлекеттик камсыздандыруу агенттигинин жетекчиси Эгамбердиева Джумагуль Шариповнага жана эмгек жамаатына терен ыраазычылык билдирет!..

Балдар жердин жандуу гүлдөрү….

«Балдар жердин жандуу гүлдөрү!…» Ушундай аталыштагы иш-чарага 1-Май аймагындагы «Майская» чек ара заставасы, милиция бөлүмү, учаскалык оорукана, ГСВ, мектеп директорлору, Кыргыз почта бөлүмү, балдардын искусство мектеби, жеке ишкерлер катышышты. Жетекчилерден белек алышкан балдар аллеяда чакан концерт көрүшүп, кошула ырдашып, балмуздак жешип, футбол боюнча чемпионатын да өткөргөнгө үлгүрүштү.
Балдар үчүн убактысын, белек бечкегин аябаган жетекчилерге, жеке ишкерлерге 1-Май айыл өкмөтүнүн жалпы жамааты терең ыраазычылык билдирет…

Тазалык- ыймандан башталат…

Ыйык Айт майрамынын алдынан….»Тазалык- ыймандан башталат» дегендей, 1-Май айыл аймагынын Кара-Үңкүр айылынын жаштары Ала-Бука-Пап райондор аралык жолунун Орток-Бел участкасында ишембилик өтктрүп, жол жээктериндеги таштандыларды тазалашты. Ыйык рамазан айынындагы аары сооптуу, аары пайдалуу кылган иштериңиздерин сообун Жараткан акыретте өзү берсин!…Таштандыны жолго ыргытпаңыздар!..Урматтуу  жердештер!!!

Ажек айылында түндүк көтөрүлдү…

1-Май айыл аймагынын Ажек айылындагы орто мектептин мындан 10 жыл мурда бүткөн бүтүрүүчүлөрү тарабынан айылдын кире беришине түндүк  орнотулуп,  лентасы  кесилди…
Жаштардын демилгеси,аракети, ынтымагы адамды  кубандырат.
Учурда Ажек айылындагы маданият үйндө, палаткаларда билим алып жаткан окуучуларга, мугалимдерге кыйынчылыктардын баары убактылуу экендиги айтылып,  акыркы коңгуроо майрамы менен куттукталды…

1-Май айылдык паркына павловниялар отургузулууда….

Жаңыга умтулуу, жаңыдан артта калбоо заман талабы… Болгариялык өнөктөштөр менен бирге дагы бир инновациялык долбоор 1-Май айыл аймагында ишке ашканы турат…
Джан ( Болгариялык өнөктөштүн аты) суусу тартыш аймактарда тамчылатып суугаруу системасы жана бак-дарактар боюнча  адистиктин ээси.
1-Май айылдык паркына павловниялар отургузулууда. Айыл аймактын суугат суу тартыштыгын көйгөйлүү маселеси да тамчылатып суугаруу системасы аркылуу сууну экономдоо жаатына өткөрүлүп, чечилгени турат…..

Scroll To Top