INILIFE.RU
Башкы бет / Без рубрики

Без рубрики

Улуу жеңишке 75 жыл…

Ала-Бука районунда Улуу Жеңиштин 75 жылдык майрамы чакан топтун катышуусунда белгиленип өттү. Иш-чара»Белгисиз жоокердин» эстелигине гүл коюу менен башталып, көзү өткөн маркумдарга куран окулуп, андан ары 1-Май айылдык аймагындагы Н.Нармырзаев жана Т.Балтагулов айылдык аймагындагы А.Хайдаров ардагерлерибизге арналган ВАЗ 2107 автоунаасын тапшыруу менен коштолду. Мындан сырткары орукта эмгектенген ардагерлерге да сый көрсөтүлдү. Иш-чарага КРӨнүн Жалал-Абад областындагы ыйгарым укуктуу өкүлүнүн орун басары Ы.Ызабеков, райондук мамлекеттик администрациясынын башчысы-аким Э.Абдыкадыров менен биргеликте уюштуруу тобу катышты. Ардагерлерге жакындан көмөк көрсөтүп, салым кошкон райондук мекеме-ишканалардын жетекчилерине, Ала-Бука, Ак-Коргон, Өрүктү, Т.Балтагулов, Ак-Там, 1-Май айылдык аймактарынын башчыларына чоң ыраазычылык билдилди…

Ата Мекен коргоочулар күнүнө карата «Апамдын наны» акциясы …

Ала-Бука районундагы Ак-Коргон айыл өкмөтүнө караштуу Падек айылында жайгашкан чек ара кызматкерлерин жана өз кызматын өтөп жаткан жоокерлерди Ата Мекенди коргоочулар күнү менен куттуктоо максатында «Апамдын наны» аттуу кезектеги акция болуп өттү. Мында Ала-Бука райондук мамлекеттик администрациясынын башчысы,аким Эмилбек Ысакулович, 2030 аскер болугунун командири Ажиев Айбек, Ак-Коргон айыл өкмөтүнүн адистери, аялдар кенеши, Шайыр апалар тобу, маданият үйү жана мектеп, бала бакчалар, Ак-Там айыл өкмөтүнүн адистери  куттукташып, концерттик программа тартуулашты. Бардык уюштуруу тобуна ыраазычылыктар айтылды.

Социалдык көйгөйлөр, иновация жана чексиз достук…

Көк-Серек айыл аймагынын Кош-Болот айылынын жаш жеткинчектери өздөрүнүн айылындагы социалдык көйгөйлөрдү АПШИФТ ыкмасы менен аныкташып, аны чечүү жолдорун долбоор жазышып, иштеп чыгышты. Аталган долбоорлордун  презентациялары Аксы районунун Кербен шаарында «Питчинг- 2020» аталышында болуп өттү. Жогорудагы иш-чаралар «Youth of Osh” коомдук бирикмеси тарабынан «#Чексиз достук» аталышында уюштурулуп, «Accelerate Prosperity» уюмунун көмөгүндө «ЮНИСЕФ» эл аралык уюму тарабынан каржыланат. Социалдык долбоорлор тынчтык куруу , иновация, туруктуулук, ишке ашыруу реалдуулугу, коомго тийгизген таасири сыяктуу критерийлердин  негизинде бааланып, жыйынтыгы 2020-жылдын февраль айында маалым болот.

Иш-чарага Ала-Бука райондук мамлекеттик администрациясынын башчысынын орун басары, Ала-Бука райондук  билим берүү бөлүмүнөн жана ошондой эле Аксы райондук мамлекеттик администрациясынын башчысынын орун басары, Кербен шаардык мэриясынын вице-мэри, Аксы райондук билим берүү бөлүмүнөн өкүлдөр, жаш активистер, ишкерлер, эл аралык жана мамлекеттик эмес уюм өкүлдөрү менен биргеликте жаш жеткинчекиердин ата-энелери, мектеп жамааты да катышышты.

Эскерте кетсек долбоор “Кыргыз Республикасынын Өкмөтү жана Өзбекстан Республикасынын Өкмөтү ортосунда чек ара аймактарынындагы кызматташтыкты бекемдөө жана кеңейтүү үчүн 2017-2019-жылдарга биргелешкен иш-чаралардын планы” алкагында “Чексиз достук” аттуу жаштарга багытталган  иш-аракеттеринин негизинде ишке  ашырылып, Ош, Жалал-Абад, Баткен облустарынын 9 айыл өкмөттөрүнүн чек-ара аймактагы жаштарынын дараметин өстүрүү жана өзбек жаштары менен кызматташтыгын өнүктүрүүнү максатайт…

Санарип Кыргызстан 2019-2023… «Санариптештирүү-өнүгүүнүн өзөгү»

Бүгүн Ала-Бука районунун мамлекеттик администрациясында “Санарип кыргызстан 2019-2023” санариптик трансформациянын концепциясынын алкагында райондук телекоммуникациялык диалог: «Санариптештирүү-өнүгүүнүн өзөгү» аттуу регионалдык диалог болуп өттү. Аталган иш чараны — Ала-Бука райондук мамлекеттик администрациясынын башчысы-аким Эмилбек Абдыкадыров алып барып, иш-чарага ААК “КЫРГЫЗТЕЛЕКОМ” Жалал-Абад областтык филиалынын жетекчилиги, ООО “Скай-Мобайл” Жалал-Абад областтык регионалдык бөлүмүнүн жетекчиси, ЗАО “Альфа Телеком” Жалал-Абад областтык регионалдык бөлүмүнүн жетекчиси, ООО “Нур Телеком” Аксы, Ала-Бука райондор аралык бөлүмүнүн менеджери, Телерадио релейлик станциялардын түштүктөгү бөлүмүнүн кызматкери катышып, алдыга коюлган максаттары жана чечүү жолдору боюнча талкуу болуп өттү. Иш-чарага райондук билим берүү бөлүмүнүн, райондор аралык ветеринардык жана фитосанитардык коопсуздук боюнча башкармалыгынын, райондук мамлекеттик “Кадастр” мекемесинин, Ала-Бука райондук социалдык фонд башкармалыгынын жана Ала-Бука райондук социалдык өнүгүү башкармалыгынын жетекчилери жана айылдык аймактардын башчылары санариптештирүү боюнча аткарылган иштери жана алдыдагы аткаруучу иштери боюнча маалымат беришип, электрондук кызмат көрсөтүүнү күчөтүү, биргелешип иш алып баруу, бирдиктүү терезелердин ишин жандандыруу менен элдин убарагерчилигин кыскартуу боюнча райондук масштабдагы диалог болуп өттү.
Ошондой эле райондук жаш техниктердин эмгегин баалоо менен, келечектин техник инженерлерине дем берүү максатында “Жаш техник” аттуу окуучулар арасында райондук конкурс өткөрүлүп, “Жаш техник” сынагынын жеңүүчүлөрүнө сыйлыктар жана байгелүү орундар ыйгарылды.

1-Май айылдык аймагынын үй-бүлөлүк дарыгерлер борборуна тез жардам унаасы тапшырылды…

Ала-Бука районунун 1-Май айылдык аймагында КР ЖКнин депутаты А.Турсунбаевдин катышуусунда 1-Май айылдык аймагынын үй-бүлөлүк дарыгерлер борборуна ФОМС тарабынан берилген УАЗ — Э962 маркасындагы жаңы тез жардам унаасын тапшыруу аземи болуп өттү. Тез жардам унаасын тапшыруу аземине Ала-Бука райондук мамлекеттик администрациясынын башчысы аким Э.Абдыкадыров жетектеген мекеме ишканалардын жетекчилери, райондук үй-бүлөлүк дарыгерлер борборуна кызматкерлери жана 1-Май айылдык аймагынын жергиликтүү тургундар катышып, ыраазычылыгын билдиришти.

Үй-бүлөлүк дарыгерлер борборуна тез жардам автоунааларды тапшырылды…

Ала-Бука районунда КР ЖКнин депутаты А.Турсунбаевдин катышуусунда Ала-Бука райондук үй-бүлөлүк дарыгерлер борборуна КР ЖК депутаты А.Турсунбаевдин жардамы менен ФОМС тарабынан 2​ 800​ 000 сом акча каражаты бөлүнүп, ага УАЗ — Э962 маркасындагы жаңы 2 даана тез жардам унаасы жана 1 даана жаңы тайота үлгүсүндөгү 7 орундуу атайын тез жардам унааларын алып берип, аталган унааларды тапшыруу аземи болуп өттү. Тез жардам унааларын тапшыруу аземине Ала-Бука райондук мамлекеттик администрациясынын башчысы аким Э.Абдыкадыров жетектеген мекеме ишканалардын жетекчилери, райондук үй-бүлөлүк дарыгерлер борборуна кызматкерлери жана жергиликтүү тургундар катышты.

Айыл чарбасын өнүктүрүү-аймакты, өлкөнү өнүктүрүү…

Ала-Бука районунда айыл чарба кооперативдеринин жана фермерлерлеринин конференциясы, регионалдык диалог: «Айыл чарбасын өнүктүрүү-аймакты, өлкөнү өнүктүрүү» аттуу иш чара өткөрүлдү. Мында кооперативдер союзунун төрагасы шайланып, айыл чарбасын өнүктүрүүгө багытталган резолюция кабыл алынды. Иш чарага фермер, дыйкандар жана ишкерлер катышып, айыл чарбасын өнүктүрүүгө олуттуу салым кошкон, эмгеги сиңген ардагерлер жана дыйкандар сыйланды. Бул иш чараны райондун тургундары үчүн арналган «түшүм майрамы» коштолду. Мында районубуздун тургундары жана коноктору үчүн көргөзмөлөр менен кошо, атайын жармаңке уюштурулуп, арзан баадагы жашылча жемиштер сатылды.  Ошону менен катар эле «Шырдак фестивалы» жогорку деңгээлде өткөрүлдү. Фестивалга 8 айылдык аймактын ууз чеберлери өз буюмдарын алып келип, көргөзмөгө коюу менен ар кандай сынактарга катышышты. «Эң мыкты шырдак» сынагында Көк-Таш айылдык аймагы ээлесе, «Эң мыкты шырмал шыруу’ сынагында Көк-Серек айылдык аймагынан келген ууз чебер ээледи. «мыкты жип ийруу» сынагында биринчи орунга Ала-Бука айылдык аймагы ээлесе, «Мыкты жүн сабоо конкурсунда» Ак-Там айылдык аймагынын катышуучулары ээлешти. 2- 3 орундар да белгиленип, бардык айыл аймактардан келген катышуучулар орундарга ээ болушту. Мындан сырткары эң мыкты териден буюм жасоо боюнча Өрүктү айыл аймагынын тургуну Г.Кочкорбаева ээлеп, катышуучуларга жана көрүүчүлөргө тери иштетүү жана ийлөө боюнча мастер класс өттү.

Катышуучуларга райондук мамлекеттик администрациясынын номинациялары, акчалай сыйлыктары ыйгарылды.Ошону менен бирге тажрыйба алмашуу айыл өкмөттөр арасында болду

Баткен окуясына 20 жыл…

1999-2000-жылдардагы Баткен окуясына Кыргыз Республикасынын бүтүндүгүн коргоо үчүн Ала-Бука районунан 85 жоокер аттанып, 2 жарадар болуп кайткан. Баткен окуясынын эскерүү кечесине Ала-Бука колледжинде катышуучулар чакырылып, студенттер менен эрдик сабактары өткөрүлүү менен алар даярдаган концерттик программа тартууланды. Райондук мамлекеттик администрациясынын башчысы аким Э.Абдыкадыров ардак грамоталарды, Баткен коому тарабынан берилген орден, медалдарды сыйлык ээлерине тапшырды. Ушундай эле сыйлыктар райондук аскер комиссариатынын комиссары Т.Сандыбаев тарабынан да тапшырылды. Соңунда айыл өкмөттөр тарабынан даярдалган сый тамактар тартууланды.

1-октябрь,..Эл аралык карыялар күнү…

Ала-Бука районунда 1-октябрь эл аралык карыялар күнүнө карата иш-чара өттү. Эмгектин алдыңкы ардагерлерине  ыраазычылык билдирүү менен, маданият үйү даярдаган көрүнүш, айылдык аймактардагы»Шайыр апалар» топтору менен биргеликте концерттик номерлер тартууланып, 100 кишиге сый тамак берилди. Белектер райондук социалдык фонд тарабынан уюштурулду
Район ичинде 100 жаштан ашкан эки карыялар бар. Алар: Көк-Таш айылдык аймагынан Эгемова Ажар эне 1914-жылы төрөлгөн, 105 жашта, Ак-Там айылдык аймагынан  Гаипова Майрам эне  1918-жылы төрөлгөн  101 жашта. Белгилей кетсек Ала-Бука районунда жалпысынан 8257 пенсия жашындагы карыялар бар…

«Күндөлүк»- санариптик платформасы, Ата Мекендик санариптештирүү билим берүү системасы…

«2019-жыл  Региондорду өнүктүрүү жана санариптештирүү» жылынын алкагында Ала-Бука райондук билим берүү бөлүмү 2019-2020- окуу жылын иновациялык жаңы технологиялык иш-аракеттер менен баштады.«Күндөлүк»- санариптик  системасы, Ата-Мекендик  билим берүү платформасы болуп саналат. Карт-окутуу систамасы аркылуу ата-энелер мектептеги балдырынын коопсуздугун жана билим алуу деңгээлин толук көзөмөлгө ала алышат.«Күндөлүк» санариптик билим берүү системасынын ушул жана башка пайдалуу артыкчылыктары тууралуу окуу семинары Ала-Бука районундагы Нуркул Орозалиев атындагы орто мектебинин жыйындар залында болуп өттү. Ага райондук билим берүү бөлүмүнүн жектекчилиги, райондун бардык орто мектептерининин дирокторлору менен бирге Чаткал районунун да айрым мектеп директорлору ошондой эле «Күндөлүк» долбоорунун Ала-Бука райондук жана Жалал-Абад областык өкүлдөрү катышышты. Жыйында Карт-окутуу системасы боюнча түшүнбөгөн жана катышуучуларды кызыктырган суроолорго  толук жооптор берилип, сунуштар да эске алынды. «Заман талабына ылайык билим берүү системасына өтүү процессинин алгачкы этаптары ийгиликтүү башталып, өз жыйынтыгын көрсөтөт»- деген ойлорду билдирип калышты семинар катышуучулары…

Scroll To Top