КАБАРЛАР
INILIFE.RU

ӨРҮКТҮ

Район башчысы мамлекеттик жана муниципалдык кызматкерлерди кесиптик күнү менен куттуктайт!..

Урматтуу мамлекеттик жана муниципалдык кызматкерлер сиздер зор жоопкерчиликти аркалап, өлкөбүздүн башкаруу системасын жаңы шартта калыптандырып, элге кызмат өтөп келесиздер. Мамлекетибиздин мындан аркы өнүгүүсү, калкыбыздын турмуш деңгээлинин жогорулашы сиздердин ишмердигиңер менен тыгыз байланыштуу. Жооптуу кызматты ийгиликтүү аркалоо менен өлкөбүздө мамлекеттик башкаруунун жаңы системасын өркүндөтүүдө эмгегиңиздер чоң.

Сиздерге бекем ден-соолук, бакубат турмуш каалоо менен бирге, Кыргызстандын гүлдөп өсүшүнө ак иштеп, мамлекеттик кызматтын кадыр баркын мындан ары да бийик көтөрөт деген тилектемин!!!

Сиздерди терең урматтоо менен
Ала-Бука райондук мамлекеттик администрациясынын башчысы-аким Сатаров Нурбек Бейшеналиевич!!!

Ала-Бука райондук мамлекеттик администрациясынын башчысы-аким Нурбек Бейшеналиевич Сатаров кайрадан шайланган Ак-Там айыл өкмөтүнүн башчысы Мирлан Камчыбеков, Өрүктү айыл өкмөтүнүн башчысы Рустам Кийикбаев, Ак-Коргон айыл өкмөтүнүн башчысы Голибжон Фарманкулов, 1-Май айыл өкмөтүнүн башчысы Мухтар Шербаев жана Ала-Бука айыл өкмөтүнүн башчысы Самат Койчумбаевдерди Ала-Бука райондук мамлекеттик администрациясынын атынан атайын сааттар (именные часы) менен сыйлап, кайрадан өкмөт башчы болушу менен куттуктап кетти. Урматтуу М.Камчыбеков, М.Шербаев, Г.Фарманкулов, Р.Кийикбаев жана С. Койчумбаев сиздерге кайрадан ишеним көрсөтүлүп, айыл өкмөтүнүн башчысы болуп дайындалышыңыздар менен куттуктайбыз. Эмгегиңиздерди аябай, райондун социалдык-экономикалык өнүгүүсүнө кызмат кылууга бел байлаган кесибиңиздерге ийгилик каалап, бүгүнкү муниципалдык кызматкерлердин майрамы менен куттуктайбыз.

21-сентябрь Тазалык күнүнө карата…

Өрүктү айыл аймагы боюнча 2019-жылдын 20-сентябрь күнү ишембилик өтүп, жолдун боюндагы таштандылар чогултулуп, атайын таштанды төгүүчү жайга төгүлдү.
Ишембиликке айыл аймактагы мекеме ишканалардын кызматкерели, окуучулар тартылып, Өрүктү айылына кире беришинен баштар жалпы жолдун боюндагы ар кандай таштандылар чогултулду. «21-сентябрь Тазалык күнүнө» карата Өрүктү айыл аймагында ишембилик жогорку деңгээлде өттү.

Көпүрө куруу иштери жүрүп жатат…

Өрүктү айыл аймагынын Өрүктү-Сай жана Кең-Кол айылдарына көпүрө курууга материалдары Өзгөчө Кырдаалдар Министрлиги тарабынан берилип, көпүрө куруу иштери жүрүп жатат. Өрүктү-Сай айылында көпүрөнүн жоктугунан ал эми Кең-Кол айылындагы көпүрө кооптуу абалда болгондуктан калкка шарт түзүү максатында атайын техника жана мал-жандык өтүүгө ылайыкталып курулуп жатат. Көпүрөлөрдү куруу иштерин жергиликтүү тургундар өздөрү колго алышкан. Өрүктү айыл аймагынын тургундары көпүрөгө керектүү материалдарын бөлүп берген Райондук Өзгөчө Кырдаалдар Министрлигинин бөлүмүнө терең ыраазычылык билдирет.

150 орундуу мектептин ачылышы…

2019-жылдын 1-сентябрь күнү Өрүктү айыл аймагынын Өрүктү-Сай айылынын тургундары үчүн абдан чоң майрам болду. Анткени көптөн күткөн жаңы 150 орундуу мектебинин ачылышы болду. Мектептин ачылышына Жалал-Абад областынын губернаторунун орун басары Р. Темирбекович, Ала-Бука районунун башчысы аким Э.Ысакулович, орун басары К.Сатимбаевна, өкмөт башчы Р.Кийикбаев, аппарат кызматкерлери жана жергиликтүү тургундар катышты. Кечеде концерттик программалар уюштурулуп, салатанат мыкты деңгээлде өткөрүлдү.

Кыргыз Республикасынын Эгемендүүлүгүнүн 28 жылдыгына карата…

2019-жылдын 30-август күнү Өрүктү айыл аймагында Кыргыз Республикасынын Эгемендүүлүгүнүн 28 жылдыгына карата иш-чара уюштурулуп, элге концерттик пргорамма жана жаштарга спорттун кичи футбол, таэквандо, грек-рим, бокс ж.б түрлөрү боюнча оюндар уюштурулуп, мыкты деңгээлде болуп өттү. Жеңүүчүлөргө сыйлыктар тапшырылды.

Биздин балдар планетанын келечеги…

Өрүктү айыл аймагында 15-майдан 15-июнга чейин «Биздин балдар планетанын келечеги» аттуу акцияга 30 турмуш шарты оор , жарым жетим , тоголок жетим балдардын тизмеси такталып, ар бир балага 500 сомдук белектер сатып алынды. Жалпысынан 15 000 мин сомдук белек таркатылып берилди.

Балдарды коргоонун Эл аралык майрамы Өрүктү айыл аймагында…

Балдарды коргоонун Эл аралык майрамына карата 2019-жылдын 31-май күнү Өрүктү айыл аймагындагы мектепке чейинки билим берүү уюмдарында майрамдык салтанаттар болуп өттү. Майрамдык иш-чаралар жогорку деңгээлде өткөрүлүп, айыл өкмөт тарабынан балдарга 15миң (он беш миң) сомдук белектер даярдалып берилди. Мектепке чейинки билим берүү уюмдарындагы үзүрлүү эмгектенген кызматкерлерге грамоталар тапшырылды.

Бир кылымдан ашык тарыхы бар Уметалы уулу Мергенбай ажы мечити…

Айлардын падышасы болгон ыйык рамазан айында жасалган сооптуу иштердин акысын акыретте жараткан Аллах өзү эселеп берет эмеспи….Бир кылымдан ашык тарыхы бар Уметалы уулу Мергенбай ажы мечитинин былтыркы жылы ремонтоо иштери башталган.  Мечитке Мергенбай ажынын неберелери Акжол,Ашым, Усупбай,Сапаралы,Мамбеталы жана башкалар негизги жумуштарын жасашкан. Сооптуу ишке эхсан катары  Ала-Бука районунун Өрүктү айыл аймагынын Өрүктү-Сай айылынын Бешимов орто мектебин мындан 10 жыл мурун аяктаган 1991-жылкы  юбилей ээлери ички жана сырткы жасалгалоо иштерине жалпы 256 000 сомдук салым кошушкан. Жакшы саамалыка райондук мамлекетик администрциясынан өкүлдөр, айыл өкмөт башчылары, райондук муфтият өкүлдөрү катышышып, каалоо тилек жана ыраазычылыктарын билдиришти. Иш-чара ифтарлык менен улантылып, жаңыртылган мечитте таравих намазы окулду…

З0 жылдык мектеп бүтүрүүчүлөрүнөн рамазанда сооптуу иштер….

1989-жылы азыркы
номер 17 А.Жуманазпров атындагы Орто мектебинин бүтүрүүчүлөрү башкача айтканда 30 жылдыктар Өрүктү айылдык аймактын айылдарында жашаган турмуш шарты оор, мүмкүнчүлүгү чектелүү, адамдарга, 8 үй-бүлөгө 5000 сомдон акча жана азык-түлүк түрүндө пакет тапшырышты. Баардыгы болуп 8 үй-бүлөгө 45 000 сомдук акчалай жардамдарды беришти. Бул акция турмуштук оор кырдаалда турган үй-бүлөлөрдү жакырчылыктан чыгарууга чоң туртку болду…

Улуу жеңишке 74 жыл! ….

Өрүктү айыл аймагынын жалпы иш коллективи мектеп окуучулары, мугалимлери жана айылдык маданият өкүлдөрү менен биргеликте Улуу Жеңиштин 74 жылдыгына арналган чакан иш-чара өткөрүштү. Иш-чара согуштун жана тылда эмгектенген ардагерлерин эскерүү менен башталып, Өрүктү айыл аймагынын башчысы Р.Н.Кийикбаев жана А.Жуманазаров орто мектебинин директору Н.Усенбаева- катышуучуларды жана жалпы элибизди улуу жеңиштин майрамы менен куттуктап, окуучуларды патритоттуулукка чакырды. Окуучулар өздөрүнүн даярдаган Ч.Айтматовдун «Саманчынын жолу» повестинен чакан көрүнүш аткарып беришти.

Scroll To Top