Alabuka.kg Ала-Бука райондук мамлекеттик администрациясынын расмий сайты

Ала-Бука-Сай эс алуу жайына, Шаркыратма жана Ак-Балтыркан көлүнө кетүүчү жолдор кенейтилип, табият койнунда эс алуучуларга жакшы шарттар түзүлүүдө.

Ошондой эле кышка карата калктын малга жем-чөбүн даярдоочу Сырт-талаа массивине баруучу жолдор да оңдолуп, оор жүк ташуучу  унааларга ыңгайлуулуктар жаралды.

Ала-Бука айыл аймагында наристелердин жайкы эс алуу мезгилинде  ар тараптуу өнүгүүсү, балдардын зээндүү болушуна шарт түзүү максатында » Барчын» жайлоо өнүгүү борбору ачылып, иштөөгө берилди. Жайлоо өнүгүү борборунун негизги максаттары: балдардын жайкы каникулдагы убактыларын натыйжалуу пайдалануу, жайлоонун таза абасынан дем алып, спорт менен машыгышып ден-соолуктарын чыңдоо, комьпютер, телевизор, смартфон жана башка ушул сыяктуу гаджеттерден аз да болсо алыстап,  вертуалдык эмес чыныгы балдар үчүн оюндарды ойноо менен бирге физикалык жана интелектуалдык жөндөмдүүлүктөрүн артыруу. Мындай интерактивдүү ыкма балдардын ар тараптуу өнүгүсүнө жакшы өбөлгө түзөт деген ишеничтебиз….

2019-жыл жай айлары Ала-Бука айыл аймагында бир топ иштер кызуу түрдө жүргүзүлүүдө. Белгилей кетсек Сары-Талаа айылындагы Н.Орозалиев жана Ала-Бука айылындагы К.Шарипов, Ч.Асанов көчөлөрүнө асфальт төшөлүп, пайдаланууга берилди.  С.Ибраимов көчөсүндөгү селкананы тазалоо жумуштары кызуу жүрүп,Достук айылындагы «Наристе» балдар бакчасын тосмолоо жумуштары башталды. Ошону менен катар Сары-Талаа айылындагы Орто-Коргон көчөсүн шагалдоо жумуштары жүрүп жатат. Айыл аймактагы балдар бакчаларынын материалдык-техникалык жана социалдык базасын чыңдоо үчүн «Жоогазын»балдар бакчасына 50 даана, «Келечек»балдар бакчасына 10 даана, «Наристе» балдар бакчасына 20 даана эки кабаттуу керебет, ошондой эле «Жоогазын» балдар бакчасына 40 даана, «Наристе» балдар бакчасына 70 даана, «Алтын» балдар бакчасына 50 даана, «Достук» балдар бакчасына 35 даана, «Жылдызча»балдар бакчасына 30 даана отургуч, «Күнчубак»балдар бакчасына балдар үчүн шкафтар сатып алынып берилди. Ала-Бука айыл аймагындагы билим берүү мекемелерин кайра калыбына келтирүү (ремонт) иштерине керектелуучу материалдар таркатылып, учурда жумуш жүрүп жатат. Өлкөнү санариптештирүү бүгүнкү күндүн талабы болуп жатат. Ошондуктан жаңы технологияларды пайдаланып, аймагыбыздын өнүгүү темпине дем берүү максатында балдар бакчаларына камералар орнотулду.

1-июнь- Балдардын майрамы, балдарды коргоонун Эл аралык күнү!..  Ала-Бука айыл өкмөтү жана айылдык кеңештин депутаттары жалпы кичинекей балдар баарыбыздын колдообузга да, коргообузга да муктаж экендигин, балдарга татыктуу тарбия берүү, жетиштүү билим алуусуна, өз келечегине ишенимдуу карап, илгери үмүт байлоосуна кеңири жол ачып берүү- биздин милдет экенибизди эске алып, калоо тилектерин, куттуктоо сөздөрүн айтып, жардамга муктаж болгон чүрпөлөргө белек тартуу кылышып, майрамдык кечеге катышкан жалпы кичинекей балдарга шириндиктерди беришти.
Балалык дооруңар камкордукта, бактылуу өтсүн, ардактуу бөбөктөр!..

Төрөгелди Балтагулов атындагы орто мектептин мурдагы бүтүрүүчүлөрүнүн арасында түрдүү кайрымдуулук акциялары, билим уясына материалдык жардам берүү иштери уланууда. Ала-Бука айыл өкмөтүнө караштуу АлаБука айылынын Төрөгелди Балтагулов атындагы орто мектебин 10 жыл мурда аяктаган бүтүрүүчүлөрү, имараттын терезелерин жаңылап, жаңы тепкич курдуруп беришип, акыркы коңгуроо аземи менен катар жаңы курулуштун ачылышы да болуп өттү. Иш-чарага райондук мамлекеттик администрация башчысы, аким Эмилбек Ысакулович баштаган бир топ мекеме иш-кана мүчөлөрү жана Ала-Бука айыл аймагынын башчысы катышты.Жалпысынан 1 миллионго жакын каражат сарпталды.  «Акыркы коңгуроо» кагылып, кезектеги окуу жылы жыйынтыкталды. Быйылкы жылы бүтүрүүчү класстарга мектепти бүтүрүү аземине карата акча чогултуп, белек алууга, кымбат автоунааларга түшүп, үлпөт куруп, кафе-ресторандарда сайрандоого Билим беруу жана илим министрлиги тарабынан  тыюу салган. Эскерте кетсек республика боюнча 2262 мектепте 9-классты 95 миң,11-классты 61 миң бүтүрүүчүлөр аяктап жатышат…

Бала- бакыт, бала-кубаныч… Рамазан айындагы ары сооптуу, ары пайдалуу иш-аракеттер уланууда. Ала-Бука айылынын С.Ибраимов жана Кулбаев көчөлөрүндөгү эки кабаттуу үйлөрдүн алдына балдар ойноочу аянтчалар курулуп, пайдаланууга берилди. Бала кубанса, аалам кубанат демекчи кичинекей наристелердин кубанычында чек жок!…  Ошондой эле Сары-Талаа айылындагы Улуу Ата Мекендик согуштун катышуучуларына тургузулган эстеликтин  калыбына келтирүү жумуштары да аткарылды. Ошону менен эле катар Сапалак айылындагы Рыскулбеков көчөсүнө трансформатор орнотулду.

Сабыр, мээримдүүлүк, сүйүүнүн үлгүсуюү болгон, үй-бүлө жана коомдук турушубуздун пайдубалы болгон энелерибиздин майрамы Ыйык Рамазан айына туш келди.»Бейиш- Эне таманы астында » демекчи, энелерибиз чооң таазим жана сый-урмат көрсөтүлүп, ифтарлык ( ооз ачуу ) уюштурулду. Орозонуздар кабыл болсун!…

2019-жыл  региондорду өнүктүрүү жана санариптештирүү жылынын алкагындагы аткарылылып жаткан иштерден дагы бир жакшы саамалык. Ала-Бука айыл аймагына караштуу Сары-Талаа айылындагы Нуркул Орозалиев атындагы  көчөсүн  асфальттоо иштери башталды. Азыркы учурда асфальттоо иштери кызуу жүрүп жатат.

Жеңиш майрамы Ала-Бука районунда чоң салтанат менен белгиленди. Иш-чара Жеңиш эс алуу паркындагы «белгисиз жоокер» эстелигине гүл кою менен башталып, согушта курман болгон жоокерлерге багышталып куран окутулуп, алардын жаркын элестерин эскерүү митинги өткөрүлдү. Майрамдык иш-чара райондун борбордук аянтын көздөй улантылып,»өлбөс полк» жүрүшү өттү. Маданий массалык иш-чаралар, куралдуу күчтөрдөн түзүлгөн аскердик жана оор техникалык парад майрамдык маанайды көркүнө чыгарды.

Райондун акими Э.Абдыкадыров жана Жогорку Кеңештин депутаты А.Турсунбаев жана башкалар райондун калкын дегеле бүтүндөй Кыргызстандыктарды Улуу Жеңиштин 74 жылдык маарекеси менен куттукташты. 9-Май Жеңиштин Улуу майрамына урматына Ала-Бука айыл аймагындагы согуш маалындагы  ооруктун  катышуучуларына,эмгектин ардагерлерине жана майыптарына, согуш ардагерлеринин жесир аялдарына Жогорку Кеңештин депутаты Турсунбаев Азизбек Атакозуевичтин катышуусунда белектер тапшырылды.

Райондогу мекеме иш-каналардын жетекчилиги, айыл өкмөт башчылары, райондук мамлекеттик администрациясы менен биргеликте согуштун 2 ардагерине токулуу жылкы миндиришти.